SISGOVIA

SISGOVIA

Landgraviatus, in agro Basiliensi, a Sislaci cultissimo pago, locum amoenissimum circa umbilicum eius occupante, nomen accepit. Olim a Iurasso monte usque in medium Birsae

alveum extensus, maximam Rauracorum partem comprehendit. Huius iura ad castra Homburgum, Valdenburgum et Liechtstallum oppid. pertinentia, Henricus VII. Imperator Ottom de Grandisone Episcopo Basileensi tradidit, quae postea Humbertus Neoburgensis, A. C. 1416. Civitati Basiliensi perpetuum possidenda vendidit. Hinc sanguinis iudicium, per universum eum tractum, etsi loca quaedam alienae ditionis contineat, ad Senatum Basil. spectat. Intra eius limites Varnspergium etiam castrum amplum est, quod Tierstenits olim Comitibus paruit. Vide Christ. Urstisium Hist. Basil.